ଜିଲ୍ଳା ପ୍ରଶାସନ ତଦନ୍ତ କଲେ ଅନେକ ଗୁମର ଫିଟିବ !!

 ଜିଲ୍ଳା ପ୍ରଶାସନ ତଦନ୍ତ  କଲେ ଅନେକ ଗୁମର ଫିଟିବ !! 

        ଭାରତ ସରକାରଙ୍କ ଦ୍ୱାରା ପ୍ରଥମେ ଭୋଟର ପରିଚୟ  ବ୍ୟବସ୍ଥା କରିଥିଲେ ।ପରବର୍ତ୍ତୀ ସମୟ ରେ ଦେଶ ର ସମସ୍ତ ସ୍ଥାୟୀ ବାସିନ୍ଦା ମାନଙ୍କ ପାଇଁ  ଏକକ ପରିଚୟ ପତ୍ର ଆଧାର କାର୍ଡ ବ୍ୟବସ୍ଥା କରିଛନ୍ତି ।ବ୍ୟବସ୍ଥା ଅନୁଯାୟୀ ପ୍ରତ୍ୟେକ ବ୍ୟକ୍ତି ତାର ନିଜର ସ୍ଥାୟୀ ଘର ର ସମ୍ପୂର୍ଣ ତଥ୍ୟ ଅନୁଯାୟୀ ନିଜର ଏବଂ ନିଜ ପରିବାର ବର୍ଗ ଙ୍କ ଆଧାର କାର୍ଡ ଆବେଦନ କରି ପାରିବେ ଓ ସମସ୍ତ ତଥ୍ୟ ଠିକ ଥିଲେ ଆଧାର କାର୍ଡ ବା ନିଜର ପରିଚୟ ପତ୍ର ପାଇ ପାରିବେ । କିନ୍ତୁ କଳାହାଣ୍ଡି ଜିଲ୍ଲାରେ ଆଧାର କାର୍ଡ ସମ୍ପର୍କିତ ନୀତି ନିୟମ ଉଲଙ୍ଘନ କରି ଶହ ଶହ ଲୋକ ବ୍ୟବସାୟ, ସରକାରୀ , ବେସରକାରୀ ଚାକିରି କରି ଆସି ସରକାରୀ ଜମି ଜବରଦଖଲ କିମ୍ୱା କାହାର ଭଡ଼ା ଘରେ 2/4 ବର୍ଷ ରହି ଅବାଧ ରେ ନିଜର ଆଧାର କାର୍ଡ, ଭୋଟର ଲିଷ୍ଟ ରେ ନାମ ପଞ୍ଜିକରଣ କରି ଥିବା ଦେଖିବାକୁ ମିଳୁଛି।ଜିଲ୍ଲା ପୋଲିସ ପ୍ରଶାସନ ପକ୍ଷରୁ ଅଚିହ୍ନା, ଅନ୍ୟ ଜିଲ୍ଳା, ରାଜ୍ୟ ମାନଙ୍କ ରୁ ଆସି ଘର ଭଡ଼ା କରି ରହିଲେ ଘରମାଲିକ ଭଡ଼ା ଦାର ଙ୍କ ଆଧାର କାର୍ଡ, ଓ ତାଙ୍କ ସମସ୍ତ ପରିବାର ଙ୍କ ସମ୍ପୂର୍ଣ ତଥ୍ଯ ସ୍ଥାନୀୟ ପୋଲିସ ରେ ଜଣାଇବା ବ୍ୟବସ୍ଥା ରହିଛି । କିନ୍ତୁ ସରକାରଙ୍କ ସମସ୍ତ ନୀତି ନିୟମ, ଙ୍କୁ ବେଖାତିରି କରି ଘର ମାଲିକ୍ ମାନେ ସାମାନ୍ୟ କିଛି ଟଙ୍କା ପାଇଁ ଘର ଭଡ଼ା ରେ ଦେଉଛନ୍ତି ।ଏପରିକି  ସରକାରୀ ଜମି ଚିହ୍ନଟ ଓ ସେଇଠି ଘର ତିଆରି ପାଇଁ ତହସିଲ ବିଭାଗ ର ଅମିନ, ଆର୍ ଆଇ, କୋଉଠି ସରକାରୀ ଜମି ଅଛି ଚିହ୍ନଟ କରି ଏଇଠି ତିଆରି କଲେ କୌଣସି ଅସୁବିଧା ହେବ ନାହିଁ ବୋଲି ବେଆଇନ ଭାବେ ଚିହ୍ନଟ କରି ଦେଇ ଥାନ୍ତି।ଫଳରେ  ଭବାନୀ ପାଟଣା ରେ 279 ହେକ୍ଟର ରୁ ଅଧିକ ସରକାରୀ ଓ ଦେବୋତ୍ତର ଜମି ଜବର ଦଖଲ ରେ ରହିଛି ।ବାହାର ରାଜ୍ୟ ଓ ଜିଲ୍ଲାରୁ ଅପରାଧୀ ପ୍ରବୃତ୍ତି ଏବଂ ଚୋରା ବ୍ୟବସାୟୀ ମାନେ ନିଜକୁ ଜିଲ୍ଲା , ସହର ର ସ୍ଥାୟୀ ବାସିନ୍ଦା ପ୍ରମାଣପତ୍ର ଜରିଆରେ ସ୍ଥାନୀୟ ଲୋକ ଙ୍କ ସହଯୋଗ ରେ ଅବାଧ ରେ ନିଜ ସାମ୍ରାଜ୍ୟ ବିସ୍ତାର କରିବା ସହ କିଛି ବର୍ଷ, ଦିନ, ମାସ ମଧ୍ୟରେ ନିଜର ସ୍ଵତନ୍ତ୍ର ପରିଚୟ, ପ୍ରତିଷ୍ଠା ସୃଷ୍ଠି କରି ପାରୁ ଛନ୍ତି । କିନ୍ତୁ ବାସ୍ତବରେ ଏହି ନକଲି ଆଧାର କାର୍ଡ ଧାରୀ ଏବଂ ଭଡ଼ା ଘର , ସରକାରୀ ଜମିରେ ଜବର ଦଖଲ କରି ବେଆଇନ ଭାବେ ରହୁ ଥିବା ପରିବାର ମାନଙ୍କ ସଂପର୍କ ରେ ସରକାର , ଜିଲ୍ଲା ପ୍ରଶାସନ ପାଖ ରେ କୌଣସି ସଠିକ୍ ତଥ୍ୟ ନାହିଁ ।

            ଏହି ପରି ବେଆଇନ ଓ ଆଇନ କୁ ଉଲ୍ଲଂଘନ କରି ଆଧାର କାର୍ଡ ଧାରୀ ଓ କୌଣସି ପରିଚୟ ନ ଥାଇ ଭଡ଼ା ଘର ଓ ସରକାରୀ ଜମି ମାନଙ୍କୁ ଜବର ଦଖଲ କରି ରହୁ ଥିବା ଲୋକଙ୍କୁ ଜିଲ୍ଲା ପ୍ରଶାସନ ଏବଂ ରାଜ୍ୟ ସରକାର ତୁରନ୍ତ ଚିହ୍ନଟ କରି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କଲେ ସ୍ଥାନୀୟ ଜିଲ୍ଲାବାସୀ ଉପକୃତ ହେବା ସହ ଜିଲ୍ଲା ରେ ଚୋରା ବ୍ୟବସାୟୀ, ଅପରାଧୀ ମାନଙ୍କୁ ଚିହ୍ନଟ କଲେ  ଜିଲ୍ଲାବାସୀ ଉପକୃତ ହେବେ ବୋଲି ବିଭିନ୍ନ ମହଲ ରେ ଦାବୀ ହେଉଛି ।

          ମହମ୍ମଦ ଅଲ୍ଲୀ ଖାଁ, 

ବରିଷ୍ଠ ସାମ୍ବାଦିକ, ମୁଖ୍ୟ ସଂପାଦକ, "ତର୍ଜମା ନ୍ୟୁଜ"