କଲ୍ୟାଣ ମଣ୍ଡପ ଉଦଘାଟିତ ।

 

ମ:ରାମପୁର---( ତର୍ଜମା ନ୍ୟୁଜ ) କଳାହାଣ୍ଡି ଜିଲ୍ଲା ମଦନପୁର ରାମପୁର ପାଇକପଡା ଠାରେ ଏକ ଅସମ୍ପୂର୍ଣ୍ଣ ଥିବା କଲ୍ୟାଣ ମଣ୍ଡପକୁ ପଶ୍ଚିମ ଓଡ଼ିଶା ବିକାଶ ପରିଷଦର ଅନୁଦାନ କ୍ରମେ ସମ୍ପୁର୍ଣ୍ଣ କରାଯାଇଛି । ଏହି କଲ୍ୟାଣ ମଣ୍ଡପକୁ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ ତଥା ମାନ୍ୟବର ମୁଖ୍ୟମନ୍ତ୍ରୀଙ୍କ ପ୍ରମୁଖ ପରାମର୍ଶଦାତା ଶ୍ରୀ ଅସିତ ତ୍ରିପାଠୀ ଉଦଘାଟନ କରିଛନ୍ତି। ପଶ୍ଚିମ ଓଡ଼ିଶା ବିକାଶ ପରିଷଦ ପାଣ୍ଠି ରୁ ୪୦ଲକ୍ଷ ଏବଂ ଅନ୍ୟାନ୍ୟ ପାଣ୍ଠିରୂ ୧୧ ଲକ୍ଷ ଅନୁଦାନରେ ନିର୍ମିତ ଏହି କଲ୍ୟାଣ ମଣ୍ଡପ ଉଦଘାଟନୀ କାର୍ଯ୍ୟକ୍ରମରେ, ଜିଲ୍ଲା ପରିଷଦ ସଭାପତି ଶ୍ରୀ ପୁଷ୍ପେନ୍ଦ୍ର ସିଂହଦେଓ, ନର୍ଲା ବିଧାୟକ ଶ୍ରୀଭୁପିନ୍ଦର ସିଂହ, , ପଶ୍ଚିମ ଓଡ଼ିଶା ବିକାଶ ପରିଷଦର କାର୍ଯ୍ୟ ନିର୍ବାହୀ ଅଧିକାରୀ ଡ଼ଃ. ଅଜିତ ମିଶ୍ର, କଳାହାଣ୍ଡି ଜିଲ୍ଲାପାଳ ଶ୍ରୀମତୀ ପି ଅନ୍ବେଶା ରେଡ୍ଡି, ଜିଲ୍ଲା ପରିଷଦ ନିର୍ବାହୀ ଅଧିକାରୀ ଶ୍ରୀ ସଚିନ ପାଓ୍ବାର, ପଶ୍ଚିମ ଓଡ଼ିଶା ବିକାଶ ପରିଷଦର ସଦସ୍ୟ ଶ୍ରୀ ଅବିନାଶ ଠାକୁର, ପଶ୍ଚିମ ଓଡ଼ିଶା ବିକାଶ ପରିଷଦର ବୈଷୟିକ ପରାମର୍ଶଦାତା ଶ୍ରୀ ସୁନୀଲ ନାଏକ, ଉପ ନିର୍ଦେଶକ ଶ୍ରୀ ଶ୍ରୀକାନ୍ତ ଦଳେଇ, ମରାମପୁର ବ୍ଳକ ଅଧ୍ୟକ୍ଷା ପ୍ରମୁଖ ଯୋଗଦେଇଥିଲେ । 

ଏହି ଅବସରରେ ଅସମ୍ପୂର୍ଣ୍ଣ ଥିବା କଲ୍ୟାଣ ମଣ୍ଡପ ଓ କମ୍ୟୁନିଟି ହଲ ମାନଙ୍କୁ ୨୦୨୩ ସୁଦ୍ଧା ସମ୍ପୁର୍ଣ୍ଣ ପାଇଁ ମାନ୍ୟବର ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି ବୋଲି ଶ୍ରୀ ତ୍ରିପାଠୀ ପ୍ରକାଶ କରିଥିଲେ। ତାପରେ କର୍ଲାମୁଣ୍ଡା ବ୍ଳକ ରିଷିଡାର ବାପୁଜୀ ହାଇସ୍କୁଲ୍ ମିନି ଷ୍ଟାଡିୟମକୁ ପରିଦର୍ଶନ କରିଥିଲେ । ଏହି ସମୟରେ ସ୍କୁଲ କମିଟି ଓ ଗ୍ରାମ ବାସୀ ଖେଳ ପଡିଆର ଉନ୍ନତି କରଣ ପାଇଁ ଅନୁରୋଧ କରିଥିଲେ । ସେହିପରି କେସିଙ୍ଗା ବ୍ଲକର ବେଲଖଣ୍ଡି ଶିବ ମନ୍ଦିର ପରିଦର୍ଶନ କରିଥିଲେ । ଗସ୍ତ ସମୟରେ ମଦନପୁର ରାମପୁର ବ୍ଳକ ର ଯୁବ ଉଦ୍ୟୋଗୀ ଶ୍ରୀ ବିଭୁପ୍ରସାଦ ସାହୁ ଙ୍କ ଦ୍ଵାରା ଆରମ୍ଭ ହୋଇଥିବା 'ହରପ୍ରିୟା ରିଫ୍ରାକ୍ଟୋରିଜ ପ୍ରାଇଭେଟ୍ ଲିମିଟେଡ' କୁ ପରିଦର୍ଶନ କରିଥିଲେ । ଶ୍ରୀଯୁକ୍ତ ତ୍ରିପାଠୀ କଳାହାଣ୍ଡି ଗସ୍ତ ସମୟରେ ମଦନପୁର ରାମପୁରର ହରି ସାଗର ଏବଂ ନର୍ଲା ବ୍ଳକ ଅନ୍ତର୍ଗତ ରାଣୀ ବନ୍ଧ ପରିଦର୍ଶନ କରିଥିଲେ। ଦୁଇଟି ବୃହତ ଜଳାଶୟର ଉନ୍ନତିକରଣ ଓ ପୁନରୁଦ୍ଧାର ପାଇଁ ସ୍ଥାନୀୟ ବିଧାୟକ, ସରପଞ୍ଚ ଏବଂ ଗ୍ରାମବାସୀ ପଶ୍ଚିମ ଓଡ଼ିଶା ବିକାଶ ପରିଷଦର ଅଧ୍ୟକ୍ଷଙ୍କୁ ଅନୁରୋଧ କରିଥିଲେ। ଶ୍ରୀଯୁକ୍ତ ଅସିତ ତ୍ରିପାଠୀଙ୍କ କଳାହାଣ୍ଡି ଗସ୍ତ ସମୟରେ ଲାଞ୍ଜିଗଡ଼ ବ୍ଳକ ବିଶ୍ଵନାଥପୁର ଠାରେ ପଶ୍ଚିମ ଓଡ଼ିଶା ବିକାଶ ପରିଷଦ ପାଣ୍ଠିରୁ 39 ଲକ୍ଷ ଟଙ୍କାରେ ନିର୍ମାଣଧୀନ କଲ୍ୟାଣ ମଣ୍ଡପ କାର୍ଯ୍ୟର ସମୀକ୍ଷା କରିଛନ୍ତି l 

ଶ୍ରୀଯୁକ୍ତ ତ୍ରିପାଠୀ ଲାଞ୍ଜିଗଡ଼ ବ୍ଳକ ଅନ୍ତର୍ଗତ ବିଶ୍ଵନାଥପୁର ଠାରେ ବେଦାନ୍ତ ଲିମିଟେଡ ଲାଞ୍ଜିଗଡ଼ ପକ୍ଷରୁ ଆୟୋଜିତ ମହିଳା ସ୍ବୟଂ ସହାୟକ ଗୋଷ୍ଠୀ କନଭେନସନକୁ ଉଦଘାଟନ କରିବା ସହିତ ବେଦାନ୍ତ ଦ୍ବାରା ଗଠିତ ଶକ୍ତିମୟୀ ଫେଡେରେସନର ସ୍ବୟଂ ସହାୟକ ଗୋଷ୍ଠୀ ମହିଳା ମାନେ ତିଆରି କରିଥିବା ବାଉଁଶ ଶିଳ୍ପ, ସଉରା କଳା, ଜନଜାତି ଖାଦ୍ୟ, ହଳଦୀ ଓ ଲଙ୍କା ଗୁଣ୍ଡ ଇତ୍ୟାଦିକୁ ପର୍ଯ୍ୟବେକ୍ଷଣ କରିଥିଲେ । ଏହା ସହିତ ବୈଠକରେ ଶ୍ରୀ ତ୍ରିପାଠୀ କରିଥିଲେ ଯେ, ଶିଳ୍ପର ବିକାଶ ହେଲେ ସେହି ଅଞ୍ଚଳର ବିକାଶ ହୁଏ । ବେଦାନ୍ତ ଏକ ଅଗ୍ରଣୀ ଶିଳ୍ପ ପ୍ରତିଷ୍ଠାନ ଭାବରେ ଅଞ୍ଚଳ ଓ ଲୋକଙ୍କ ବିକାଶ ପାଇଁ ପଦକ୍ଷେପ ନେବା ଆବଶ୍ୟକ ବୋଲି ସେ ମତବ୍ୟକ୍ତ କରିଥିଲେ। ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଶିଳ୍ପ ପ୍ରତିଷ୍ଠା କରିବାସହ ଲୋକମାନଙ୍କ ଜୀବନ ଜୀବିକା ସହ ସର୍ବାଙ୍ଗୀନ ଉନ୍ନତି କିଭଳି ହୋଇପାରିବ ସେଥିପାଇଁ ସବୁବେଳେ ପ୍ରୟାସ କରୁଛନ୍ତି ବୋଲି ମତ ବ୍ୟକ୍ତ କରିଥିଲେ।